ბიბლიური  კარნახი  ბოლოჟამის  ბრძოლის შესახებ გთავაზობთ ხორციელ ახსნას  ჩვენი წიგნის ერთერთ ფრაგმენტზე. (მეორედ მოსვლა - საიდუმლო საშინელი).

"და ვიხილენ ცანი განხუმულნი. და აჰა ცხენი სპეტაკი, 

და მჯდომარესა მას ზედა ეწოდებოდა სარწმუნოჲ და ჭეშმარიტი, და სიმართლით შჯის და იბრძვის"

(გამოცხადება 19-11).

    ცანი განხუმულნი, ანუ გახსნილი გონება გვახილვინებს სპეტაკ ცხენს.  უკვე ბევრჯერ აღვნიშნეთ, ცხენი წმიდა წერილის მხედრული დამწერლობაა. ამ დამწერლობას ორი მხარე აქვს, ერთია მხედრული დამწერლობის ხორციელი მხარე, რომელსაც შეესაბამება შავი ფერი. მეორე კი სულიერი მხარეა, რომელსაც შეესაბამება სპეტაკი თეთრი ფერი. უნდა მივხვდეთ, რომ სპეტაკ ცხენზე, ანუ მხედრული დამწერლობის სულიერ მხარეზე ამხედრებული არის ყოვლისმპყრობელი ანი და ჰოე. ის ერთადერთი სარწმუნო და ჭეშმარიტი მებრძოლია, რომელიც სიმართლით შჯის და იბრძვის.

"და თუალნი მისნი იყვნეს ვითარცა ალი ცეცხლისაჲ, და თავსა ზედა მისსა გჳრგჳნნი მრავალნი, 

რომელთა ზედა წერილ იყო სახელები, და სახელი წერილი, რომელი არავინ უწყის, გარნა მან თავადმან"

(გამოცხადება 19-12).

       ჩვენ უკვე ვაჩვენეთ, მისი საიდუმლო სახელი არის ლაზარე (იხ. კაცობრიობის საერთო ენა). ეს სახელი არავინ იცის, ანუ არცერთმა სხვა ენამ და დამწერლობამ არ იცის. მის საიდუმლო სახელს ითვლის და ატოლებს ბიბლიურ რიცხვ 144-თან  მხოლოდ ქართული დამწერლობა. მაგრამ ამ ციტატაში ამჯერად სულ სხვა რამ არის საინტერესო: "და თუალნი მისნი ვითარცა ალი ცეცხლისაჲ". რაც უთითებს, რომ ამ დამწერლობას აბარია ცეცხლით ნათლიღების პროცესი.

"და ემოსა სამოსელი შეღებული სისხლითა, და წოდებულ არს სახელი მისი: სიტყუაჲ ღმრთისაჲ"

(გამოცხადება 19-13).

   "შეღებული სისხლითა", უნდა მივხვდეთ ღებვაზე, შეღებვაზე არ არის საუბარი. აქ არის სისხლით შეღებული, შეხსნილი, გახსნილი, ანუ სისხლით განმარტებულებაზეა საუბარი. სისხლი სულიწმიდაა, შესაბამისად, სულიწმიდით გახსნილ ინფორმაციებზეა მითითება. ამით ნათქვამია, რომ ანი და ჰოე შემოსილია სულიწმიდით ნათლიღების შესაძლებლობით.

"და პირისაგან მისისა გამოვიდოდა მახჳლი ორპირი აღლესული"

(გამოცხადება 19-15)

   მხედრულზე ამხედრებული ასომთავრულიდან გამოდის ორი საგანმანათლებლო მოცულობა, რომელსაც განაპირობებს ლაზარე ენის ორი დამწერლობა. მას ბიბლიური ტერმინით ჰქვია ორლესული მახჳლი.

"და ვიხილე მჴეცი იგი და მეფენი ქუეყანისანი და მჴედრობანი მათნი, 

შეკრებულნი ბრძოლის-ყოფად მჯდომარისა მის ცხენსა ზედა და მჴედრობისა მისისა მიმართ"

(გამოცხადება 19-19).

   "მეფენი ქუეყანისანი" - მთელი ქვეყნიერების ენები და დამწერლობებია. მათ სულიერი წერის კანონები არ იციან და იძლევიან მხოლოდ ხორციელ ცნობიერებას, ამ ცნობიერებას ბიბლიური ტერმინით ჰქვია მჴეცი. ისინი შეთქმულ არიან ბრძოლის ყოფად მხედრულზე ამხედრებული ანი და ჰოეს წინააღმდეგ.

"და შეპყრობილ იქმნა მჴეცი იგი და მის თანა ცრუწინაწარმეტყუელი იგი, რომელმან ქმნნა წინაშე მისსა სასწაულნი, 

რომლითა აცთუნნა იგინი, რომელთა მიიღეს ბეჭედი იგი მჴეცისაჲ და თაყუანის-სცეს ხატსა მისსა"

(გამოცხადება 19-20). 

     ცრუ, ანუ სხვა დამწერლობებით მოწოდებულ ვითომდა დედან წმიდა წერილს მათი მიმდევრები ცდუნებულიც და აღბეჭდილიც ჰყავს მხეცის ბეჭდით.  მაგრამ, როგორც წმიდა წერილი გვეუბნება, ყველა მაცდურობა, ყველა ცრუ წერილი, ყველა სხვადასხვა მოძღვრებებით მოწოდებული ხორციელი ცნობიერება შეპყრობილ იქნებიან სპეტაკ მხედრულზე ამხედრებული ყოვლისამპყრობელი ანი და ჰოეს მიერ.  

     წიგნი, მეორედ მოსვლა - საიდუმლო საშინელი, გამოვეცით ბიბლიური წერილის სულიერი იდეის საჩვენებლად. ამ ფრაგმენტით ვაჩვენეთ, ქართული ენისა და დამწერლობის როლი მეორედ მოსვლისას ცნობიერი ცვლილების განსახორციელებლად. მაშინ საერთოდ არ შევხებულვართ ამავე ინფორმაციის ხორციელ ნაწილს. ვიცით, რომ ბიბლიური წერილი დაწერილია ორი წერის მექანიზმით, ის წარმოადგენს შინაგანი და გარეგანი წერით შექმნილ ორინფორმაციულ წიგნს. შინაგანი წერით გვეწოდება სულიერი ინფორმაციები, ხოლო გარეგანი წერით ეს წერილი ასახავს მატერიაში განსახორციელებელ მოვლენებს. 

ამჟამად სულიერად განხილულ იდეას შევხედოთ ხორციელად: 

1.   ზემოდ განხილული ეპიზოდის მთავარი მოქმედი პირია: ცხენ სპეტაკზე ზედა მჯდომარე."და პირისაგან მისისა გამოვიდოდა მახჳლი ორპირი აღლესული",  ჩანს ისე, რომ თითქოს მარტო იბრძვის. 

 2.  "და ვიხილე მჴეცი იგი და მეფენი ქუეყანისანი და მჴედრობანი მათნი, შეკრებულნი ბრძოლის-ყოფად მჯდომარისა მის ცხენსა ზედა და მჴედრობისა მისისა მიმართ".  

აქ  საგულისხმოა ორი საკითხი:

              ა)  მეფენი ქუეყანისანი

             ბ)  მხედრობისა მისისა მიმართ

თუ ამ ინფორმაციას მივიღებთ მარტივად და ხორციელად, მაშინ გამოდის რომ: მთელი ქვეყნიერების მეფენი (მრავლობითშია ინფორმაცია) დედამიწის სახვადასხვა სახელმწიფოთა მეთაურებია, რომლებიც "შეკრებულნი" არიან მხეცთან ერთად და ილაშქრებენ სიმართლით მარტო მებრძოლის მიმართ.

"და სიმართლით შჯის და იბრძვის"

(გამოცხადება 19-11).

აქაც არის ერთი მთავარი ნიუანსი: შჯის და იბრძვის! 

შჯა  - სჯა, განშჯადი,  ეს სიტყვა განასახიერებს იდეას. ე. ი. ცხენზე მჯდომარეს მოაქვს მართალი ცნობიერება (წერილით ვიცით, რომ ეს არის ახალი საგალობელი) იბრძვის -  ეს სიტყვა ასახავს მატერიას. ახალი იდეის მოტანას ჭირდება ფიზიკური ბრძოლაც.

3. ბრძოლა გაწერილია როგორც ცხენსა ზედა მჯდომარის მიმართ, ასევე "მჴედრობისა მისისა მიმართ". მახვილი ორპირი გამოდის ცხენსა ზედა მჯდომარისაგან და არა მხედრობისა მისისაგან. ასე რომ ცხენსა ზედა მჯდომარე იდეურად მებრძოლია. ფიზიკურ ბრძოლაში ებმის მისი მხედრობა.

ახლა მიაქციეთ ყურადღება: ბოლოჟამის ბრძოლაში ყველა ქვეყნის ხელმძღვანელები მხეცთან (მხეცი არ წარმოადგენს ერთ რომელიმე ქვეყანას) ერთად გაილაშქრებენ "ერთის" მიმართ (არ ვაკონკრეტებ, დღეს ამ საკითხის აღქმა აბსოლუტურ უმრავლესობას არ შეუძლია).

დაუსვით შეკითხვა საკუთარ თავს: კაცობრიობის ისტორიაში თუ ყოფილა მსგავსი რამ, როდესაც ყველა ქვეყნის მთავრობები აღმდგარან ერთის დასაღუპად? თუ ხვდებით რომ ის ერთი, არის ცხენსა ზედა მჯდომარის მხედრობა. ვინც ცოტაოდენ მაინც აზროვნებს სულიერად უნდა მიხვდეს, რომ მხედრობის ქვეშ უნდა ვიგულისხმოთ ქრისტეს მხედრობა. ქრისტეს ეს მხედრობა ფიზიკურად და ცხენსა ზედა მჯდომარე იდეურად ერთად ერთვებიან ბიბლიური ბოლოჟამის ბრძოლაში. თუ ხვდებით რომელი ბრძოლაა აღწერილი ბიბლიურ წერილში?  მერე რა ხდება?

"და შეპყრობილ იქმნა მჴეცი იგი და მის თანა ცრუწინაწარმეტყუელი იგი, რომელმან ქმნნა წინაშე მისსა სასწაულნი, რომლითა აცთუნნა იგინი, რომელთა მიიღეს ბეჭედი იგი მჴეცისაჲ და თაყუანის-სცეს ხატსა მისსა. და ცოცხლივ შთავარდეს ორნივე იგი ტბასა მას ცეცხლისასა, რომელი-იგი იწუების წუმწუბითა."

(გამოცხადება 19-20). 

აი, აქ მარცხდება მხეცი, მხეცს ამარცხებს მხედრობა! არ უნდა დავივიწყოთ, რომ სიმართლით მებრძოლად დასახელებულია ცხენსა ზედა მჯდომარე. ფიზიკური ბრძოლა მისი საქმე არ არის, მხედრობა მას ჭირდება ფიზიკურ ბრძოლაში. ძალიან საგულისხმოა მხეცისა თანა  "ცრუწინაწარმეტყუელი იგი".

1.  იქნებ გაიხსენოთ ვინ წინასწარმეტყველებს ომებსა და პანდემიებს ვირუსებით? ვინ წინასწარმეტყველებს მსოფლიოს ახალ წესრიგს, ახალ მოწყობას? (წინასწარ დაგეგმილი გეგმის მიხედვით)

2.  ეს ის ხალხია, რომლებმაც ცდუნებით ხალხს მიაღებინა ბეჭედი მხეცისა (კოდით 666). 

3.  ძალიან საგულისხმოა, რომ მხეცი და ცრუწინაწარმეტყველიც ჩავარდებიან ტბასა მას ცეცხლისასა... ცეცხლის ტბა სულიერად სულ სხვა რამეს ნიშნავს, მაგრამ მას ფიზიკური დატვირთვაც გამოუჩნდება. რამ უნდა დაღუპოს ძლევამოსილი მხეცი და მის თანა მისი მსახურნი? ძლევამოსილ მხეცს გამოწერილი აქვს ბიბლიური რეცეპტი: ძლევამოსილი ცეცხლი, რომელსაც მოჰყვება წუმწუბითა წვა! ეს არის ჯოჯოხეთის ცეცხლი და წუმწუბი, საშინელი ტანჯვა და ვაება, იქ გადარჩენა შეუძლებელი გახდება. რა შეიძლება მოხდეს ალბათ მიმხვედრი მიხვდება.

ის ვინც ამ ცეცხლსა და წუმწუბს გადაურჩება მერე იწყება შემდეგი ეტაპი:

"და სხუანი იგი მოისრნეს მახჳლითა ცხენსა მას ზედა მჯდომარისაჲთა, 

რომელი გამოვიდოდა პირით მისით, და ყოველნი მფრინველნი განძღეს ჴორცითა მათითა"

(გამოცხადება 19-21)

აი, ამ მოვლენების შემდეგ საქმეში ერთვება ცხენსა ზედა მჯდომარე. 

დაწერილია: ცხენსა ზედა მჯდომარესა და მის მხედრობას ვერ მოერევა მხეცი და ქვეყნიერების მეფეები.

ამ მოვლენათა შემდეგ იწყება დიდი სამსჯავრო. უკვე ახლოა ჟამი!

                                                                                                                                                                                                                    16.03.2022.

                       «მეორედ  მოსვლის  საიდუმლო»